Plano sang Department of Agriculture (DA) nga i-alokar ang kadam-an sa pork imports sa idalum sang 55,000 metric tons (MT) sang minimum access volume (MAV) quota sa mga meat processor.
Suno kay Agriculture Secretary Francisco Tiu Laurel Jr., ang “kabilugan nga direksiyon” ang magapain sang 30,000 MT sa mga meat processor, sa tinutuyo nga mapabakod ang presyo sa merkado makaligad nga naglab-ot sa masobra P400.00 ang presyo sang baboy sa kada kilo.
Dugang pa sini nga igasapinal pa ang alokasyon sa masunod nga mga semana.
Igapabilin sang ahensya ang 15,000 MT, nga ialokar sa Food Terminal Inc. (FT) ukon Planters Products Inc. Agud mahatagan sang tion ang gobyerno nga mapanubo ang presyo kung kinahanglanon nga gamit ang mas manubo nga taripa sa idalum sang MAV, samtang ang nabilin naman nga 10,000 MT igahatag sang palarehas sa mga trader.
Mahibaluan nga sa idalum sang Executive Order 50, ang pork imports nga sulod sa MAV quota ginahatagan sang mas manubo nga taripa sang 15% batuk sa standard nga 25%.
Bangud sini, ginkasadya ni Philippine Association of Meat Processors Inc. director Jet Ambalada ang plano nga alokasyon bangud mapasaka sini ang alokasyon para sa local processors.
