Gina-obligar na sang Bureau of Internal Revenue (BIR) ang tanan nga mga may kontrata sa gobyerno, apisar nga ini ang government owned and controlled corporation ukon local government units kag iban pa nga mga ahensiya, nga magkuha sang tax clearance sa talatapan sang ahensya para mabayran sila sang bilog sa ila nga mga serbisyo ang ginbaligya nga supplies.
Ginpirmahan ni BIR Commissioner Romeo Lumagui Jr. kag Finance Secretary Ralph Recto ang Revenue Regulation No. 017-2024 natuhoy sa pagpakita sang tax clearance halin sa BIR final settlement sang government contracts.
Suno sa BIR, nakasaad sa section 23.4 sang implementing rules and regulations sang Government Procurement Reform Act nga dapat ginasumiter na ang tax clearance sa bidding pa lang sang mga government contracts.
Nakabutang naman sa Executive Order No. 398 series of 2005 nga dapat bayad sang bilog kag sa tama nga oras ang buwis sang mga may proyekto sa gobyerno kag posible nga suspendihon sang gobyerno ang bayad kun indi.
Yara man sa layi nga dapat regular nga ginapakita sa gobyerno ang tax clearance halin sa BIR kag kopya sang income kag business tax returns samtang indi pa tapos ang proyekto.
