Ginpakigbahin sang Bureau of Internal Revenue (BIR) sang Biyernes nga nalapawan sini ang target nga koleksyon sang buwis para sa una nga semestre sang 2025.
Sa isa ka pahayag, ginsiling sang BIR nga nakolekta sini ang P1.554 trilyon, nga mas ukon menos P4.6 bilyon ang sobra sa gintalana nga target. Ang nasambit nga numero ang 14.11 porsyento nga mas mataas ipaanggid sa buwis nga nakolekta sang pareho nga panahon sang tinalikdan nga tuig.
Suno sa ahensya, ang amo nga balor ang masobra sa 48 porsyento sang ila kabilugan nga target nga koleksyon nga P3.2 trilyon para sa 2025.
Ginsiling ni BIR Commissioner Romeo Lumagui Jr. nga optimistiko na ang mga bag-o nga layi sa buwis kaangay sang value-added tax (VAT) sa Digital Services, CREATE MORE Act, kag Capital Markets Promotions Act (CMEPA) ang makabulig agud mahatagan sang igtalupangod kag malapawan pa nila angb target nga kita para sa amo nga tuig.
Nalapawan man sang BIR ang target sini nga koleksyon sang Abril.
