ROXAS CITY – Mataas ang nakolekta nga buwis sang Bureau of Internal Revenue (BIR)-Roxas sang tuig 2019 kun ikumparar sa ila nga nakolekta sang tuig 2018.
Ini ang ginpahayag ni BIR-Roxas Revenue District Officer Eralen De Aro sang ma-interview sang Bombo Radyo Roxas.
Ginpahayag ni Aro nga sang nagligad nga tuig, mataas ang ila nakolekta nga buwis apisar nga P1.194 billion lamang ang ila nakolekta sa target nga P1.250 billion kun sa diin ginkabos ini sang kapin sa P56 billion.
Ginpahayag ni Aro nga partikular nga rason nga wala nila malab-ot ang ila target sang tuig 2019 amo ang implementasyon sang TRAIN Law.
Ginkalipay ni De Aro ang pagsunod sang mga tax payers sa pagbayad sang ila nga mga buwis sa BIR.
Samtang magapadayon sa gihapon ang programa sang BIR nga “Oplan Kandado” sa mga establisyimento nga wala nagahatag sang resibo sa mga bumalakal agud manubo ang ila madeklarar nga kita sa isa ka bulan.
Suno diri may yara na sang anum ka mga kalan-an sa Baybay beach ang ginpasirado bangud diri.
Sa karon mas pasangkaron pa sang BIR-Roxas ang pagpatuman sang withholding tax sa kada establisyimento.
