ROXAS CITY – Nagpabalhag sa Roxas Component City Police Station ang isa ka menor de edad nga lalaki matapos ginaalegar ginkawat ang ginapanag-iyahan sini nga bisikleta sa guwa sang Civic Center sa Burgos St. Roxas City.
Ang wala na ginhingadlan nga biktima ang residente sang banwa sang Maayon apang, temporaryo nga nagapuyo sa Brgy. Lawaan syudad sang Roxas.
Suno sa panaysayon sang biktima, ginpark sini ang iya nga road bike sa guwa sang civic center agud maglantaw sang basketball, apang sa iya pagguwa natukiban sini nga wala na ang bisikleta.
Ginpakamaayo na lang sang biktima nga e-report sa mga kapulisan ang natabo.
Ang nasambit nga bisikleta ang may yara sang spanker frame with promax rim sticker kag 6 pawls gub hub.
Nagapanawagan man ini kun sin-o ang nakakita sang nasambit nga bisikleta makig-angut lang sa Roxas PNP.
