ROXAS CITY – Kanselado ang tanan nga biyahe sang sakayan pandagat kag motorized banca sa syudad sang Roxas kag probinsiya sang Capiz padulong sa Barangay Olutayan kag Masbate.
Ginpahayag ni Lt. Commander Edison Diaz, station commander sang Philippine Coastguard nga hugot sa karon nga ginadumilian ang pagbiyahe sang anuman nga mga sakayan sa lawud matapos nga nalakip ang probinsiya sang Capiz sa ginpaguwa nga gale warning sang PAG-ASA.
Suno sa opisyal nga pila na ka adlaw nga wala ginapahanugutan nga makabiyahe ang mga sakayan pangisda kag motorized banca bangud sa malain nga panahon.
Nagalibot ang mga personnel sang PCG sa mga coastal barangays kag ginapahanumdum ang mga mangingisda nga indi magsupak sa panugyan sang talatapan agud indi mabutang sa peligro ang ila nga kabuhi.
Samtang may nakastandby nga Quick Response Team ang PCG magluwas pa sa ila mga floating asset nga gamiton sa pagbulig sa nagakinahanglan.
