CAPIZ – Ginapasalig sang Bureau of Jail Management and Penology (BJMP) Capiz nga mangin consistent drug free ang mga personnel sang talatapan kag mangin mga Persons Deprived of Liberty (PDLs).
Sa interview sang Bombo Radyo kay Jail Supt. Julius Ceasar Chavez, Jail Warden sang BJMP Male Dormitory, iya ginpahayag nga magapadayon ang mga drug testing nga ginapatigayon sang talatapan kaupod ang Philippine Drug Enforcement Agency (PDEA).
Sang damlag lang, nagpatigayon man ang BJMP Capiz sang random drug testing sa diin lunsay negatibo ang resulta sang mga personnel kag PDLs.
Samtang suno kay Chavez, padayon man nga nagapartisipar ang talatapan sa mga trade fair agud ibida ang mga obra nga produkto sang mga Persons Deprived of Liberty.
Nagpanawagan man ang natungdan sa pamilya sang mga PDLs nga bisitahon ang mga ini bangud nagahilapit na ang adlaw sang Paskwa.
