-- ADVERTISEMENT --
Ginpang-deploy ang mga kapulisan sa nagkalain-lain nga lugar sa Banwa sang Sapian agud masiguro ang seguridad sang mga tumuluo sini nga Semana Santa.
Sa interview sang Bombo Radyo kay Police Lieutenant Steve Ian Bautista, Officer in-charge sang Sapian Municipal Police Station, iya ginpahayag nga bilang kahandaan may mga Police Assistance Desk nga ginpahamtang sa simbahan kag pilgrimage sites sa banwa.
Suno kay Bautista, padayon man ang pagpatuman sang mga checkpoint sa mga dalanon para masiguro ang kahilwayan sang tanan.
Nagpahanumdom man ini sa mga nagabyahe nga sundon ang BLOWBAGETS nga amo ang pagsekyar sang Battery, Lights, Oil, Water, Brakes, Air, Gas, Engine, Tires, and Self para malikawan ang mga aksidente sa dalan.
