Kaugalingon nga desisyon ang nagtulod kay Capiz 2nd district Board Member Elmer “Nonoy” Arevalo sa pagpapili bilang alkalde sa banwa sang Mambusao.
Sa interview sang Bombo Radyo kay Arevalo, aminado ini nga indi nangin madali kag nangin mabudlay para sa iya ang nangin desisyon sini.
Bangud sa ginapalab-ot nga panawagan sang mga pumuluyo sang mambusao, dugay nga paghinyo sang mga ini kay Arevalo, nangin palamangkutanon sini sa iya kaugalingon, sin o gid bala ayhan ini para magbalibad sa mga pinalangga sini nga pumuluyo sang Mambusao.
Dugang pa sini, nagdesider ini nga magpadalagan bangud indi sini mabayaan ang mga mambusaonon apisar may isa pa ini nga nabilin nga termino sa pagka-board member sang segundo distrito.
Suportado man ini sang bug-os nga pamilya sa pagpapili bilang alkalde sang nasambit nga banwa kag suportado man ini ni Capiz Governor Fredenil Oto Castro sa iya nangin desisyon.
Sa karon, plastado na suno kay Arevalo ang mga plano kaupod ang mga kaupdanan sini para sa banwa nga kun sa diin ini ang mga kakulangan nga ginahinyo sang mga Mambusaonon.
