ROXAS CITY – Ginaduso sang chairman sang Committee on Environment sang Sangguniang Panlalawigan nga magpatiagayon sang legislative inquiry natuhoy sa mga isyu sa Roxas Memorial Provincial Hospital (RMPH).
Ini ang nangin kaundan sang diskurso-pribilehiyo ni Board Member Mateo Hachuela sa ginpatigayon nga sesyon sang Sangguniang Panlalawigan.
Suno kay Hachuela nga kinahanglan nga magpatigayon sang inquiry agud matapos na ang mga espekulasyon kag masabat na ang mga reklamo sa amo nga ospital.
Ginpahayag sini nga sa tion nga may yara sang isa ka pasyente sa ospital ginasalig sang mga himata ang kabuhi sang pasyente sa mga doktor kag nurses.
Nagapati si Hachuela nga dako ang posibilidad nga masugpunan ang aton kabuhi kun yara sa sulod sang balay-bululngan.
Bangud diri, nagakadapat nga mahibaluan ang kamatayon sang apat ka mga pasyente nga yara sa Intensive Care Unit (ICU) sang RMPH sadtong Disyembre 25, 2019.
Suno diri nga nagakadapat man nga painan sang pondo ang mga pampubliko nga ospital sa probinsiya para sa pagpaayo pa sang mga pasilidad kag ginatugyan niya ini sa Committee on Appropriations.
Samtang wala malikawan ni Hachuela nga sambiton ang mga troll nga nag-edit sang laragway sang ulo ni Board Member Eleuper Martinez kag gibutang sa crater sang nagaalburuto nga bulkang Taal.
Suno kay Hachuela nga yara lamang sa idalom sang kapitolyo-probinsyal ang mga naghimu sini kag ang mga ini ang lunsay mga pamatan-on pa.
Gintawag man sini ang mga troll nga manugpalapta sang fake news.
