BM Reyes ginpaathagan ang mga existing scholars natuhoy sa estado sang scholarship program sang probinsya

ROXAS CITY – Ginpaathagan ni Board Member Thea Faith Reyes ang mga existing scholars sa primero distrito nga nagtambong sa ila hinun-anon kaina sang aga sa Capiz Gymnasium natuhoy sa estado sang scholarship program sa probinsya sang Capiz.

Sa pakig-angut sang Bombo Radyo kay BM Reyes, dismayado ini matapos nga wala sang may ginturn-over nga maayo nga dokumento ang nanligad nga administrasyon may kaangtanan sa mga benepisaryo sang nasambit nga programa.

Suno diri, wala sang ginahawiran nga sertipiko ang mga iskolars nga sila isa ka iskolar sang gobyerno dapat suno kay BM Reyes ba-se man sa ordinansa kag implementing rules and regulations sang programa kinahanglan may yara sang certificate of eligiblity ang estudyante kun nakapasa ini sa eksaminasyon kag interview.

Aminado si BM Reyes nga may makakas gid nga mga iskolar bangud wala ini sa listahan kag wala nakabaton sang ayuda sa nanliligad nga tuig.

Ginpunto man sang opisyal nga apisar nakasaad sa ordinansa nga prayoridad ang mga incoming first year, pagahatagan man sa gihapon sang gamay nga porsyento ang mga incoming 2nd, 3rd kag 4th year nga mga estudyante.
Dugang pa sini nga masobra P9M na lamang ang nabilin nga pondo ang para sa amu nga programa kag madamo pa sang kinahanglan nga bayaran.

Nagapangayo man ini sang pasaylo kag pag-intindi bangud luyag lamang sang gobyerno nga mangin malimpyo ang scholarship program kag matadlong ang sala nga pagdumala kag makabulig sa nagakinahanglan nga estudyante.