ROXAS CITY – Nagaapelar si Board Member Thea Faith Reyes sa mga resource persons nga wala magtambong sa legislative inquiry nga ginapatigayon sang provincial board.
Ini matapos nga wala magtambong ang ila gin-imbitar nga mga hospital officials sa ikaduha nga adlaw sang inquiry sang Sangguniang Panlalawigan kahapon nga adlaw.
Ginklaro ni Reyes nga wala sang imbestigasyon nga matabo natuhoy sa pagkapatay sang apat ka mga pasyente sa ICU sa Roxas Memorial Provincial Hospital (RMPH) sang Disyembre 25, 2019 bangud luyag lamang nila mahibaluan kun ano pa ang mahimu sang provincial board agud mapasanyog ang serbisyo sang mga ospital sa probinsya.
Una diri, ginkwestiyun ni Reyes ang wala pagtambong sang mga hospitals officials sa ila ginapatawag nga inquiry.
