Natukiban sang Bureau of Customs ang pila ka mga parcels gikan sa luwas sang pungsod nga may unod mga nga iligal nga droga nagabalor sang masobra P16 million sa Central Mail Exchange Center.
“One parcel from the United States contained 240 grams of marijuana, or “kush,” another from Thailand with 618 grams of kush, while a parcel from Poland hid five plastic bags of ketamine inside a coffee maker,” sandig sa statement sang ahensya.
Suno sa BOC, wala sang may nag-claim sang parcels sa sulod sang 30-day reglementary period.
Pahayag pa sang ahensya, ang subject parcels ang ginpaidalom pa sa x-ray scanning sa diin na-detect ang mga ginasuspetsahan nga images rason nga ginpatigayon ang physical examination.
Kabug-osan nga P16,326,200 ang balor sang iligal nga droga.
Gin-turn over man ang subject parcels sa Philippine Drug Enforcement Agency para sa proper disposition kag laboratory examination lakip na ang case building batuk sa mga suspek.
