ROXAS CITY, CAPIZ – Partially burned ang isa ka bodega matapos nagluntad ang sunog sa Sitio Urban, Barangay Milibili, Roxas City.
Ang amo nga bodega ginapanag-iyahan ni Analyn Plantinos, isa ka online seller nga yara sa Canada.
Sa interview sang Bombo Radyo kay Mr. Cedro Depedra, caretaker sang bodega, iya ginpahayag nga nagatambay ini siya sa eskwelahan sang hinali nalang ini nga gintawag kag ginhambalan sang sang bayaw sang tag-iya nga nasunog ang bodega sang balay nga iya ginabantayan.
Nahibaluan nga wala sang tawo ang amo nga puluy-an sang nagluntad ang sunog kag wala sang kuryente ang amo nga bodega kag extension lamang ang ginagamit sini agud nga pasigahon ang suga.
Madasig nga nagpauli kag nagpanawag sang bombero ang caretaker.
Samtang, nagkalasunog man ang mga bayo kag pila pa ka mga kagamitan sa amo nga bodega.
Sa karon, padayon ang imbestigasyon sang katapo sang bombero kun ano ang gintunaan sang sunog.
– With a reports from Bombo Jessa Mae Siman De Los Santos
