Bolantero nagreklamo matapos ginbawalan magbaligya sa merkado sang banwa sang Maayon

Isa ka bolantero ang personal nga nagpalab-ot sang reklamo sa Bombo Radyo angut sa pagdumili sa iya kag sa pila ka mga negosyante nga makabaligya sa merkado publiko sa banwa sang Maayon kada Martes nga adlaw, market day.

Ginpahayag ni Alyas Nonoy, residente sang Pontevedra, Capiz nga humalin sang bulan sang Pebrero tobtob subong wala ini nakabaligya sa nasambit nga merkado kalakip ang iban nga kaupdanan nga gikan sa quinto distrito sang Iloilo, bangud sa pagbawal sa ila.

Apang ginakatingala lamang sini bangud iban nga mga negosyante nga gikan sa Panay, Panitan kag Roxas City ang ginapasugtan nga makabaligya.

Nagtinguha man ini kuntani nga maka-estorya sa alkalde sang Maayo, apang kasubong madamo ang nagapamalabag.