ROXAS CITY – Nangin madinalag-on ang ginpatigayon nga Bomb Threat and Explosion Simulation Exercise sang Robinson’s Mall sa Barangay Lawaaan, Roxas City.
Ini ang ginpahayag ni Police Senior Master Sergeant Ramil Arcangeles, tagpamaba sang Roxas City PNP sang ma-interview sang Bombo Radyo.
Tinutuyo sini agud tsekyaron ang pagka-alerto sang Philippine National Police (PNP) pag-abot sa tion sang emerhensiya, mapabilin ang seguridad sang pumuluyo kag katapo sang nasambitan nga mall.
Kalakip nga mga ahensya ang nagtambong diri amu ang katapo sang Bureau of Fire Protection (BFP), K9 Units, Special Weapons and Tactics (SWAT), Provincial Disaster Risk Reduction and Management Office (PDRRMO), City Disaster Risk Reduction Management Office (CDRRMO), Philippine Red Cross kag iban pa.
Mahibaluan nga isa ini ka tuigan nga aktibidad agud ipahanumdom sa mga tumalambong ang mga dapat kag indi dapat nga buluhaton.
Gina-ekspektyar nga magapatigayon man sang kaangay nga aktibidad ang iban nga establisiyemento, sa karon nga yara sa idalum sang Alert Level 1 status ang probinsya.
