Gindeklara nga wala sang bomba sa sulod kag guha sang talatapan sang PhilHealth sa Barangay 5, sining syudad.
Matapos ang duha ka oras nga pagtsekyar sang bomb squad team sa bisinidad sang amo nga talatapan, gindeklara nga wala sang bomba sa area kabaliktaran sa ginpadala nga text message sa head sang PhilHealth-Capiz nga may gintanum nga bomba sa lugar.
Aminado si Mr. Joe Frederick Diaz, Chief Social Insurance Officer sang PhilHealth nga matapos nabaton ang text message pasado alas 8 sang aga, gilayon sini gin-imporma ang personnel nga naga-duty nga matawhay magbiya sa edipisyo kaupod ang ila mga kliyente nga aga pa nagpadulong na sa talatapan.
Bangud natabuan nga work from home ini nga kabahin sang ila COVID-19 alternative arrangement gilayon sini nga gin-imporma ang kaingud balay nga isa ka pulis nga nagpanugyan nga i-dangup sa pulisya agud ma-aksyunan.
Suno kay Diaz nga first time sini nga nakabaton sang text message nga may bomb threat gani normal lamang nga makulbaan.
Nagdepensa man ang opisyal sa nangin kaundan sang mensahe sa text angut sa ginaalegar pagkadula sang P15 billion nga pondo sang PhilHealth.
Ginpahayag sini nga ginahimo nila ang tanan agud mapangalagaran sang maayo ang ila mga kliyente.
