Isa naman ka kadalag-an ang nalab-ot sang Bombo Radyo Philippines matapos nga nalakip ini bilang finalist sa tanan nga siyam (9) ka mga kategorya sa sini nga tuig nga ika-47 nga Catholic Mass Media Awards (CMMA), isa ka prestihiyoso nga pagkilala sa talalupangdon nga mga kontribusyon sa patag sang komunikasyon nga ginatuytuyan sang mga Kristiyano nga prinsipyo.
Mga Finalist nga Entry:
1. Best News Program
Bombo Network News
Bombo Radyo Cebu
2. Best Commentary Program
Bombo Radyo Cebu
3. Best Public Service Program
Bombo Lifestyle (Bombo Radyo Philippines)
4. Best Counseling Program
Star FM Manila
5. Best Business News
Bombo Special Report (Bombo Radyo Philippines)
6. Best Entertainment Program
Star FM Iloilo
Star FM Bacolod
7. Best Educational Program
Bombo Special Report (Bombo Radyo Philippines)
Bombo Radyo Cauayan
8. Best News Feature
Bombo Radyo Iloilo
Bombo Radyo Dagupan
Star FM Dagupan
9. Best Drama Program
Bombo Radyo Cauayan
Subong nga tuig, lunsay nagdaug ang Bombo Radyo kag Star FM sa nagkalain-lain nga kategorya, lakip na ang Best News Program, Best Entertainment Program, Best Educational Program, kag Best News Feature… pamatuod sang kasangkaron kag kadalumon sang ila pagserbisyo sa publiko.
Matandaan nga sang 1978 gintukod sang nagtaliwan nga si Jaime Cardinal Sin, ang katuyuan sang Catholic Mass Media Awards amo ang pagkilala sa mga institusyon kag news carriers nga nagagamit sang komunikasyon sa pagpasanyog sang kamatuoran, tawhanon nga dignidad, kag sosyal nga responsibilidad suno sa mga panudlo sang Simbahan.
Para sa amon diri sa Bombo Radyo Philippines, ini nga pagkilala ginadedikar sa mga tagpalamati kag tumalan-aw sa bug-os nga pungsod kag sa nagkalain-lain nga bahin sang kalibutan, nga padayon nga nagahatag sang pagsalig kag suporta sa 32 ka fully digitalized stations sang network.
Paagi sini, ang mga balita, serbisyo publiko, kag mga programa nga nagahatag sang impormasyon kag paglaum sa mga komunidad padayon nga ginahatag.
“Basta Radyo, BOMBO! Star FM, it’s all for YOU!”
