ROXAS CITY – Daku nga kadungganan para sa Bombo Radyo Roxas ang makabaton sang pasidungog bilang Top Performer sa Non-LGU category sa Regional Sandugo award sang Department of Health Center for Health Development Western Visayas nga ginpatigayon sa Iloilo City.
Ang plaque of appreciation ang bilang pagkilala sa tuigan nga Dugong Bombo nga ginapatigayon sang Bombo Radyo Philippines nga ginalakipan sang Bombo Radyo Roxas nga kalakip sa mga partner sang DOH sa National Voluntary Blood Services program.
Nahibaluan nga nangin Top Performer ang Bombo Radyo Roxas sa Non-LGU category sa media entity sa Roxas City kag probinsiya sang Capiz, bangud sa ginatus nga mga blood donors ang nagpakigbahin sa nasambit nga proyekto.
Matandaan nga nakatipon sang 375 nga bag sang dugo ang Bombo Radyo Roxas gikan sa mga successful blood donors sa isa ka adlaw lamang nga blood letting activity nga Dugong Bombo 2018 sang bulan sang Nobyembre.
