Brgy. Bato, Panay, nakabalhag naman sang positibo nga kaso sang ASF

ROXAS CITY – Ginpahayag ni Punong Barangay Lowel Camacho sang Barangay Bato, Panay, Capiz nga magluwas sa pito ka mga baboy nga nagkalamatay sa ila barangay, may yara man sang mga nagreport sa karon nga nagamalasakit ang ila hinuptan nga baboy.

Nahibaluan nga ang pito ka mga baboy nga napatay ang ginapanag-iyahan sang isa lamang ka backyard hog raiser.

Matandaan nga sang Miyerkules nga adlaw nagguwa ang resulta sang ginpatigayon nga test sa blood samples sang mga baboy nga positibo ini sa African Swine Fever (ASF).

Sa karon, ginmandu na sang ila Local Government Unit sa tanan nga mga barangay sa Panay, ang hugot nga pagbantay sa nagkalain-lain nga border, sa nagaguwa-pasulod nga buhi ukon karne sang baboy, subong man ang mga frozen products.