SAPIAN, CAPIZ- Ginpa-bombo ni Kristoto Lacson, 64-anyos kag residente sang Barangay Lonoy, Sapia-an, Capiz ang ila nga Barangay Kagawad nga si Silas Ofalia.
Sa interview sang Bombo Radyo kay Kristoto, iya ginpahayag nga nagapabilin sa gihapon nga palamangkutanon kun ano ang ginahingabot sa ila sang amo nga kagawad.
Pahayag sini, ginhambalan sang amo nga Kagawa ang iya asawa nga nagatrabaho bilang utility sa barangay, nga maghalin na sa ila nga gina-istaran. Apang suno sa iya, nagsabat ang iya nga asawa sa amo nga kagawad sang akig nga mga tinaga rason nga may mainit nga komosyon nga natabo.
Dugang pa ni Kristoto, si Kagawad Silas Ofalia, ang una na nga naggabot sang kudal sang ila nga puluy-an.
Bangud sini, ginpakamaayo ni Kristoto nga ipabalhag sa talatapan sang ila nga barangay ang amo nga hitabo kag natalana ini nga husayon sa adlaw sang Byernes.
Nagalaom naman ini nga mahatagan sang kaathagan kun ano ang matuod nga rason sang kaangay pagpanghingabot sang amo nga kagawad sa ila.
Interviewed by Bombo Francis Biñas
