Nagtingub sang pwersa ang mga Barangay Officials, Panay PNP, BFP-Panay kag mga tripulante sang Barangay Pawa sa banwa sang Panay, matapos nakabaton sang report nga ginapahayag may missing nga menor de edad.
Sa interview sang Bombo Radyo kay Punong Barangay Edgardo Baguio sang Brgy. Pawa, ginsaysay sini nga wala sila nag-untat sa pagpangita asta maga-aga tubtob sa narekober sang isa ka tripulante ang bangkay sang nasambit nga biktima.
Matandaan nga ginkilala ang biktima kay alyas “Makmak”, 7-anyos kag residente sang Panay Ville, Pob. Ilaya, Panay, Capiz.
Bilin ni Baguio sa mga pumuluyo, ginikanan kag mga turista nga magabisita sa baybay, bantayan sang mayad ang mga kabataan kag indi sila pagtugutan nga magpadulong sa porsyon nga may mataas nga balud agud malikawan ang kasubong nga insidente.
