Indi luyag ni Lebron James nga pagatawgon sya nga ‘dad’ sang iya nga bata nga si Bronny James kun magahampang na ang mga ini sa masunod nga season.
Ang mag-amay ang yara sa idalom sang Los Angeles Lakers matapos kuhaon sang team ang bata nga James bilang No.55 overall pick sa 2024 NBA draft.
Ini ang una nga kahigayunan sa kasaysayan sang NBA nga aktibo nga magahampang ang mag-amay.
Suno kay Lebron James, indi siya pwede nga tawgon nga ‘dad’ sang bata sini kun ara na sa court ang mga ini kag nagahampang batuk sa mga NBA team.
Apang, kun ginlimpyohan na suno diri nila ang NBA facilities kag ginsamad ang pertahan, magabalik na ini liwat bilang amay sini, humalin sa salakyan tubtob pagbalik sa ila nga balay.
Suno sa 4-time NBA champion, indi sini luyag nga magdalagan sila sa court, kag gulpi nga mabatian si Bronny nga ginatawag ini nga Dad samtang ginapangayo ang basketball.
Ang 2024-2025 season, ang ika-21 na nga season ni Lebron sa NBA. Sang damlag lang, nagpirma ini sang $104 million nga kontrata para sa duha ka tuig sa Lakers. Nagpirma man si Bronny sang apat ka tuig nga kontrata nga nagabalor sang $7.9 million.
