Napilian bilang All-Star Five sang FIBA Olympic Qualifying tournament sa Riga, Latvia si Gilas Pilipinas naturalized player Justin Brownlee.
Apisar napaslawan ang Pilipinas nga makasulod sa Olympics, gindayaw sang FIBA si Brownlee nga may 23.0 points average, 8.3 rebounds kag 6.3 assists sa tatlo ka hampang.
May yara man ini sang shooting average nga 46.2 percent sa field kag 43.5 percent sa long distance.
Suno sa FIBA nga kaangay isa ka halimaw kun maghampang si Brownlee kag dako nga factor ini sa Gilas Pilipinas.
Sa bahin naman ni Gilas coach Tim Cone, ginpahayag sini nga gindominar ni Brownlee ang mga hampang kun sa diin wala na sang makatupong sa hampang sini.
Samtang, nagpasalamat na lamang si Brownlee sa mga pagdayaw sa iya kag suno sa iya indi nangin madinalag-on ang hampang kun sa iya kaugalingon lamang kundi tungod man sa bulig sang iya team.
Mahibaluan nga kaupod ni Brownlee sa listahan sang All-Star Five sanday Bruno Cabocio, Leo Meindl sang Brazil , Rihards Lomazs sang Latvia kag Jeremiah Hill sang Cameron.
