Ginkalipay sang Bangko Sentral ng Pilipinas (BSP) ang pag-exit sang pungsod sa Financial Action Task Force (FATF) grey list ukon listahan sang jurisdictions sa idalum sang increased monitoring.
Sa isa ka pahayag, gin-anunsyo sang FATF nga wala na ang Pilipinas sa increased monitoring matapos nga ginpasanyog sang pungsod ang anti-money laundering and counter-terrorism financing (AML/CTF) regime.
Suno kay BSP Governor Eli M. Remolona, ang pagkakas sang pungsod sa FATF grey list ang bunga sang mabakod nga kooperasyon sa gobyerno kasubong man sang pribado nga sektor.
Sumugod sang malakip ang pungsod sa grey list sadtong Hunyo 2021, nakig-angut na ang BSP sa Anti-Money Laundering Council kag iban pa nga ahensya sang gobyerno agud masiguro ang napanahon nga pagpatuman sang mga action plan para pabaskugon ang anti-money laundering and counter-terrorism financing (AML/CTF) regime.
