Kun diri sa aton sa Pilipinas, ang buaya ginatawag nila nga malas kag kun kaisa ginalaragway pa ini sa isa ka tawo nga kurap.
Kag diri sa aton, tawo ang ginapakaslan. Magluwas lang kun ang ginpakaslan mo… buaya man gali –may pagka-sapat man nga paminatasan.
Gani pinasahi ang natabo didto sa Oaxaca, Mexico bangud bilang tradisyon, ang buwaya ang ginakabig nila nga swerte bangud nagadala ini sang bugana nga patubas.
Wala nagduha-duha ang isa ka alkalde sa nasambit nga lugar nga pakaslan ang buwaya bilang kabahin sang ila local tradition.
Makit-an nga ang buaya nakasuksok sang puti nga bayo matapos ginhalukan ni Mayor Daniel Gutierrez.
Ini nga tradisyon ginahimo na sa sulod sang kapin sa 200 years nga nagasimbulo sang koneksyon sa tunga sang mga tawo kag mga sapat.
Sa ritwal sa kasal, ang alkalde nga nobyo ginakabig nga hari sang etniko nga grupo sang Chontal, samtang ang buaya amo ang prinsesa sang mga tawo nga Huave.
Ang paghiliusa sang alkalde kag sang buaya ginapatihan nga nagadala sang bugana nga patubas kag maayo nga hulik gikan sa dagat.
Ikaw, sarang mo ayhan nga magpakasal sa isa ka buwaya?
