Nagakabalaka ang mga residente sang Barangay Buan sa banwa sang Panglima Sugala, Tawi-Tawi matapos nga nasiplatan ang isa ka dako nga buaya sa idalom sang isa ka stilt house sang Sabado, Abril 4, 2026.
Sandig sa isa ka video nga ginpakigbahin online, naglutaw ang buaya sa tubig matapos gintutukan sang flashlight samtang mataas ang tubig. Ginapatihan nga nagapangita sang pagkaon ang amo nga sapat, partikular sang mga hinuptanan nga manok.
Gilayon nga nag-atras ang buaya sang madiparahan ang mga tawo sa pallibot.
Suno sa Municipal Disaster Risk Reduction and Management Office (MDRRMO), kilala ang lugar bilang ilistaran sang mga buaya. Ginapahanumduman ang mga residente nga likawan ang paglangoy ukon pag-agi sa lugar, ilabi na sa gab-i.
Ginganyat man sang mga awtoridad ang publiko nga sundon ang mga paandam kag i-report ang ano man nga makita nga buwaya.
Ginpahunumdom man nga ang mga buaya protektado sang Republic Act 9147, rason nga ginadumilian ang pagpanakit ukon pagpatay sa ila.
