Ginbaton sang House Committee on Appropriations ang amendment nga ginduso ni Mamamayang Liberal party-list Rep. Leila de Lima agud mabuhinan ang campaign funds sang Office of the Vice President para sa 2026.
Nagakahulugan ini nga gikan sa orihinal nga P889.24 million nga pondo nga ginhingyo sang Office of the Vice President para sa 2026, ini ang pagabuhinan kag ipaanggid sa karon nga 2025 budget nga P733.2 million.
Katumbas ini sang P156 million nga pagnubo ukon 17.5 porsyento.
Ginpanindugan ni De Lima nga indi ini demolisyon ukon pressure, kundi disiplinaryo bangud makapila ka beses nga wala nagpakita ang bise presidente sa budget deliberations para sa iya funding proposal.
Ginpasalig naman ni Appropriations Committee Chair Mika Suansing nga sa pihak sang pagbuhin sa ginaduso nga pondo, indi maapektuhan ang sweldo kag natalana nga pagsaka sang sweldo base sa Salary Standardization Law sang mga tinawo sang OVP kag indi man maapektuhan ang performance sang OVP.
