Roxas City – Indi sa gihapon makapati ang mga Negrense sa nadangatan nga pagluthang patay kay late Governor Roel Degamo, ilabi na ang mga empleyado sang probinsya.
Sa interview sang Bombo Radyo kay Ms. Grace Agabon Information Officer IV sang Negros Oriental, ginpahayag sini yara sa gihapon ang kahadlok sa mga pumuluyo matapos ang maduguon nga pagpatay sa nasambit nga Gobernador.
Bangud sini, may yara sang pila ka buluthuan nga ginpakamaayo na lamang nga mag-untat danay sa pagtudlo para man sa seguridad sang tanan ilabi na sa mga estudyante.
Hugot man suno diri ang pabantay sang katapo sang Philippine National Police kag Armed Forces of the Philippines sa bug-os nga Negros Island agud madakpan na ang iban pa nga mga suspek nga pagpatay kay Degamo.
Mahibaluan nga natalana nga igabyahe ang bangkay sini sa puluy-an sang iya mga ginikanan kag pagabuksan sa publiko agud magdu-aw sa katapusan kag magpalab-ot man sang simpatya sa pamilya sini.
