Liwat nga nakapagkit ang Philippine Institute of Volcanology and Seismology(Phivolcs) sang napulo ka volcanic earthquake sa Bulkang Bulusan sa Sorsogon.
Suno sa Phivolcs, nakitaan sang paghubag sa dako nga bahin sang bulkan samtang dalayon ang pagbuga sini sang tubtob 31 ton sang asupre kada adlaw sumugod pa sadtong tunga-tunga sang Hunyo.
Samtang, sa nakaligad nga tatlo ka adlaw ang napagkit ang pagnubo sang numero sang mga volcanic earthquake sa nasambit nga bulkan.
Sadtong Aug. 15, namonitor ang tubtob sa 22 ka pagtay-og tubtob sa nakaligad nga adlaw, Aug 16, naglab-ot ini sa 13.
Nagapabilin nama nga ginababawal ang pagsulod sa Permanent Danger Zone(PDZ) sa paglibot sang bulkan kalakip na ang pagpalupad sang mga salakyan pangkahanginan sa atubang sini.
Ang bulkang Bulusan ang nagapabilin sa idalum sang Alert Level 1.
