Bulkang Kanlaon, halos 2 ka oras nga nagbuga sang aso – Phivolcs

Liwat nga ginreport sang Philippine Institute of Volcanology and Seismology (Phivolcs) ang halos wala untat nga pagbuga sang abo nagikan sa bulkang Kanlaon.

Suno sa report sang ahensiya, nagdugay sa 111 minuto ukon halos duha ka oras ang nasambit nga aktibidad kag nagpaguha sang 3,469 tonelada sang asupre.

Samtang, liwat nga nakapagkit ang ahensiya sang mataas nga numero sang volcanic earthquake kun sa diin sa ulihi nga reporting period ang bulkan ang nakahimo sang 23 ka pagtay-og.

Nagapabilin naman nga inflated ang dako nga bahin sang bulkan nga suno sa Phivolcs ang sinyales sang nagapadayon nga banta sini kasubong sang panibag-o nga pagbuga.