Ginpiyerde sang Chicago Bulls ang Minnesota Timberwolves sa ika-apat nga preseason game sang duha ka grupo sa score nga 125 – 123.
Nangin sentro sang opensa sang Bulls ang guard nga si Coby White nga nakakuha sang 23 points samtang 19 points ang ambag sang forward nga si Zach LaVine.
Sa grupo sang Wolves, nangin manami ang performance sang bag-o sini nga forward nga si Julius Randle kag nagsulod sang 15 points, 6 rebounds, kag lima ka assists.
Naghimo man sang double-double performance ang sentro nga si Rudy Gobert: 13 points, 17 rebounds.
Sa pagtapos sang 2-min mark, pareho nga yara sa 119 points ang score sang duha.
Sa hugot sang depensa sa crunch time, naglab-ot lamang sa tig-duha ka puntos ang naisulod sang tagsa ka grupo sa sulod sang isa kag tunga sa minuto.
30 minuto bag-o matapos ang hampang, nagsulod sang 3-pointer si Bulls bench Jevon Carter, rason agud mag-angat ang Bulls sa score nga 124 – 121.
Ginpilit sang Wolves nga lagson ang abanse sang Bulls apang duha ka puntos na lamang ang nadugang nila tubtob matapos ang hampang.
