Ginpalawig sang Bureau of Immigration (BI) ang ila ginapatuman nga Advance Passenger Information System (APIS), bilang kabahin sang pagpabaskog sang national security pamaagi sa temprano nga pagtumod sang mga pagpanghangkat.
Ginkalipay ni Bureau of Immigration (BI) Commissioner Joel Anthony Viado ang inisyatibo kag gintawag ang Advance Passenger Information System (APIS) bilang isa ka critical defense line sa mga dulunan sang pungsod kag isa ka dako nga tikang padulong sa digital transformation kag security posture.
Ang Advance Passenger Information System (APIS), isa ka digital platform nga nagapahanugot sa mga otoridad nga machekyar ang mga nagapasulod nga biyahero antes ini sila nga mag-abot sa pungsod.
Sang nagligad nga semana, ginharang kag wala ginpasugtan sang Bureau of Immigration (BI) nga makasulod sa NAIA Terminal 1 ang isa ka pangayaw nga pasahero matapos ini nga ma-flag sang sistema bangud sa pag-angkon sang Interpol blue notice.
May kaangtanan sa mga kritikal nga aktibidad sa iban nga pungsod ang nasambit nga indibidwal.
Padayon naman nga ginaganyat sang ahensya ang mga ailine companies nga makigbahin kag magpasakop ang ila sini nga sistema sa Advance Passenger Information System (APIS).
