Patay ang indi magnubo sa 31 ka mga indibidwal samtang 12 naman ang pilason, matapos mahulog sa pil-as ang pampasahero nga bus sa Bolivia.
Suno sa mga otoridad, posible nga nadulaan sang kontrol sa pagmaneho ang driver sang bus kag ginapatihan nga madasig ang pagpadalagan sini kung sa diin nagresulta sa pagkahulog sa halos 800 meter kadalumon nga pil-as sa bahin sang nabagatnan-nakatungdan sang Yocalla.
Natabo ang insidente sa isa ka gamay, kurbadahon kag palikuon nga dalan.
Pahayag sang mga otoridad sa nasambit nga numero sang mga nagkalamatay 10 diri ang mga katigulangan kag 4 nga kabataan ang nagapabilin sa ospital.
Samtang ang iban naman yara pa sa kritikal nga kondisyon.
Sa karun, padayon ang mga operasyon sang mga rescuers kag ginahibalo ang gintunaan sang nasambit nga aksidente.
