ROXAS CITY – Ginkumpirmar sang pamunuan sang Business Permit and Licensing Division sang Roxas City Hall nga isa pa lamang ka KTV Bar ang nagaproseso nga makakuha sang permit to operate sa syudad sang Roxas.
Suno kay Roselyn Estrebilla nga sa anum ka mga KTV Bar nga ila nabisitahan sang tinalikdan nga tuig isa pa lamang diri ang naka-comply sang mga requirements bangud ang iban nga mga KTV Bar ang may mga problema sa mga structure sang building, pagkuha sang pink card para sa mga commercial sex workers kag iban pa.
Nakita nga rason ni Estrebilla nga may mga KTV Bars nga naga-operate sa pihak nga wala pa sila sang permit bangud nagasugod ang ila operation sa alas nuebe sa gab-i kag wala na sang opisina ang mga government agencies.
Desidido naman si Estrebilla nga mag-upod sa patigayunon nga inspeksyun sa mga KTV Bar kun pagahatagan ini sang direktiba sang alkalde sang syudad.
Mahibaluan nga plano nga tiponun ni City Councilor Morino “Moring” Gonzaga ang pila ka mga concerned nga department kag ahensya sang gobyerno agud magpatigayon sang inspeksyon sa mga KTV Bar sa syudad sang Roxas.
