DUMARAO CAPIZ – Nagpabilin sa karun nga palamangkutanon sa mga pumuluyo sang Barangay Bungsuan, Dumarao Capiz, ang natabo nga pagpangsunog sa kapin 120 nga mga butong sa ila lugar.
Sa interview sang Bombo Radyo kay Nicolas Hare Punong Barangay sang nasambit nga lugar ginpahayag sini nga pagagamiton kun tani ang amu nga butong para sa pagpakay-o sang ila kapelya.
Suno diri, nga wala sang may nakatalupangod sa natabo kag maga-aga na ini nga nadiparahan sang mga pumuluyo malapit sa lugar matapos nga makabati sang pagnilupok sang butong.
Mahibaluan nga ang amu nga duta boluntaryo nga gindonar sang isa sa mga pumuluyo rason nga dako man ang kaakig sini matapos mahibaluan nga insidente.
Dugang pa sini nga may yara na sila sang ginalantaw nga person of interest apng indi pa ini sigurado kag kinahanglan pa nila sang mabakod nga pamatuod.
Sa karun, nagapangayo sang kooperasyon si Hare sa mga pumuluyo agud matul-id kag makilan-an ang persona sa likod sang pagpangsunog.
