ROXAS CITY – Gina-planuhan sa karon sang gobyerno-probinsiyal ang pagpatukod sang kaugalingon nga Provincial Quarantine Facility.
Ini ang ginpahayag ni Capiz Governor Esteban Evan ‘Nonoy’ Contreras sang mainterview sang Bombo Radyo.
Kasunod ini sang ginaapelar sang mga alkalde sa kabanwahanan nga indi sila makaakomodar sa ila mga quarantine facilities sang mga coronavirus disease (COVID-19) asymptomatic patients.
Ini bangud wala naman nagabaton sang mga asymptomatic patients ang Roxas Memorial Provincial Hospital (RMPH) nga amo ang Provincial COVID-19 Facility.
Suno sa gobernador nga ginaplanuhan nga ang Sancta Maria, Mater et Regina, Seminarium, formerly St. Pius X Seminary – Cagay Campus sa Barangay Cagay, Roxas City.
Kun madayon ang ini nga plano, diri iga-isolate ang mga COVID-19 patients nga wala makitaan sang sintomas.
Apang ginklaro sang gobernador nga bilang pag-respeto, magapangayo pa ini sang abiso sa talatapan ni Roxas City Mayor Ronnie Dadivas.
Pananglitan naman nga indi magpasugot si Dadivas sa amo nga plano, magapadala ini sang sulat sa national Inter-Agency Task Force (IATF).
