ROXAS CITY – Nagdangop sa talatapan sang Roxas City Police Station ang isa ka call-center agent agud i-reklamo ang ginhimo nga ginaalegar pagpanghimulos sa iya sang anak sang ila nga landlord.
Ginkilala ang biktima nga si alyas Aiza, 27 anyos kag nagatrabaho bilang isa ka call-center agent sa isa ka BPO company sa siyudad sang Roxas.
Suno sa boardmate sang biktima, ginkadtuan siya ni Aiza sa iya kwarto kag ginapangita ang ila nga landlord kag suspek nga anak sini nga si alyas John.
Sang iya nga gin-usisa ang biktima, makit-an sa nawong sini ang kahadlok samtang ginsaysay ang kababuyan nga ginhimo sang suspek.
Suno diri nga wala niya natalupangdan ang pagsulod sang suspek sa iya kwarto kag wala naman ini nakabato pa bangud sa tuman nga kahadlok.
Nagpangayo naman sang pasaylo ang suspek sa biktima apang desidido si Aiza nga pasakaan ini sang nagakaigo nga reklamo.
FEATURED IMAGE FROM WEB
