Call center agent nga nag-positibo sa COVID-19 nga residente sang Roxas City, wala makapauli sa siyudad

ROXAS CITY – Wala nakapauli sa siyudad sang Roxas ang isa ka Authorized Person Outside Residence (APOR) nga kalakip sa dugang nga nag-positibo sa coronavirus disease (COVID-19) sa probinsiya sang Capiz.

Sandig sa datos sang Capiz Provincial Health Office (PHO), ang nasambit nga APOR ang 21 anyos nga babaye nga taga-Barangay Culasi, Roxas City.

Nahibaluan nga isa ini ka call-center agent sa isa ka BPO company sa Iloilo kag wala nakapauli sa siyudad sang Roxas.

Ginapahayag nga ang travel history sang amo nga persona ang sa sulod gid lamang sang Western Visayas.