Roxas City, Capiz – Ginpangunahan sang Capiz Provincial Environment and Natural Resources Office (CAPENRO) ang pagsinapol sang Panay River Basin Integrated Development Council.
Sa interview sang Bombo Radyo kay Ronald Allan Cullo, Head sang Capiz Provincial Environment and Natural Resources Office (CAPENRO), iya ginpahayag nga tinutuyo sang sini nga pagsinapol ang mapasangkad ang mga environmental and infrastructure projects sa first kag second district sa probinsya sang Capiz.
Suno kay Cullo, parte sang environmental component kaupod ang Department of Environment and National Resources kag Naturall Irrigation Administration amo ang pagtukod sang high-end dam sa Barangay Acuña kag low-end dam sa Barangay Garcia sa banwa sang Tapaz para makabulig sa irigasyon kag work supply water supply sang nagkalain-lain nga kabanwahanan sa Capiz.
Pahayag pa niya, sa bahin sang infrastructure component kaupod ang Department of Public Works and Highways amo ang Cogon-Hamul-awon floodway sa banwa sang Panay agud mapahagan-hagan ang baha sa nasambit nga lugar.
Dugang pa sang natungdan, magapadayon ang pagserbisyo sang talatapan kag tinguhaon nga matapos sa takna nga tion ang mga nasambit nga proyekto.
Interviewed by: Bombo Francis Biñas via Zona Libre
