Gin-appoint na ni Capiz Governor Esteban Evan “Nonoy” Contreras bilang Chief of Hospital sang Roxas Memorial Provincial Hospital si Dr. Ramon Alex Nolasco sa pihak nga may lima ka mga doktor nga nag-apply sa nasambit nga posisyon.
Sa exclusive interview sang Bombo Radyo news team kay Dr. Nolasco, ginahangkat sini ang mga nagakwestiyon sa iya nga kwalipikasyon.
Aminado si Nolasco nga yara siya sa ika-tatlo nga rank sang personnel selection board.
Nagapati si Nolasco nga qualified siya sa nasambit nga posisyon bangud pasado ini sa Career Executive Service Officers (CESO) examination.
Mahibaluan nga sang Nobyembre 19, sini nag tuig sang gin-appoint si Dr. Nolasco nga Chief of Hospital sang Roxas Memorial Provincial Hospital ni Governor Contreras kag sang Disyembre 3 sini nga tuig sang gin-aprubahan sang Civil Service Commission ang appointment sini.
Apisar nga na-appoint na si Dr. Nolasco nga chief of Hospital magapabilin ini sa gihapon nga pamunu-an ang Hospital Management Section apang magapungko sa gihapon nga Chief of Hospital sang RMPH si Dra. Edmarie Tormon.
Gindugang ni Nolasco nga wala siya sang may mahimu bangud ini ang nangin mandu ni Governor Contreras.
Nagapati si Contreras nga dako ang mabulig sa iya ni Nolasco pag-abot sa Hospital Management Section kag maga-supervise sa mga district hospitals nga magahatag sang solusyon kun may yara sang problema.
Bangud diri madamo ang nagakwestiyon kay Nolasco bangud wala ini nagpungko bilang Chief of Hospital sang RMPH.
Mahibaluan nga lima tanan ka mga doktor ang aplikante para sa amo nga posisyon.
Kalakip diri sanday Dr. Florencio Luching; Dr. Ma. Celinee Bauson; Dr. Ian Arciga; Dr. Rosario Perlas kag Dr. Alex Nolasco.
