ROXAS CITY – Ginpasiguro sang Provincial Disaster Risk Reduction and Management Office (PDRRMO) nga preparado ang probinsiya sang Capiz pananglitan nga maglaslas ang Bagyong Vicky sa probinsiya.
Sa interview sang Bombo Radyo kay PDRRMO head Mrs. Judy Grace Pelaez ginpahayag sini nga apisar indi direkta nga maagyan sang Bagyong Vicky ang probinsiya, ginpakamaayo na lamang sang talatapan nga mangin alerto ang tanan.
Suno kay Pelaez nga nakaalerto man ang mga emergency responders sa tion sang emerhensya.
Ginpasiguro man ni Pelaez nga pagabantayan sang talatapan ang mga kabanwahanan nga masami ginabaha kag ginatunaan sang mga landside kag iban pa.
Nakahanda man sila sa tion nga magpatigayon sang preventive-evacuation ihilabi na ang mga nagapuyo malapit sa mga high risk areas.
Sa pihak nga indi sini direkta nga maagyan ang Capiz, ginalauman naman ang mamunog nga ulan nga posible maeksperyinsiyahan sang probinsiya.
