Preparado na ang Capiz Provincial Disaster Risk Reduction and Management Unit (PDRRMU) para sa paalabuton nga Regional Rescue Olympics nga pagahiwaton sa probinsya sang Antique.
Ini kabahin sang selebrasyon sang National Disaster Resilience Month subong nga tuig 2026, nga may tema nga ‘Naghahanda at Kumukilos Tungo sa Panagatag na Bagong Pilipinas’
Sa interview sang Bombo Radyo kay Atty. Sheila Artillero, head sang amo nga talatapan, iya ginpahayag nga ini na ang ikatatlo ka tuig nga nagapasakop ang ila grupo sa amo nga kompetisyon.
Suno kay Artillero, sa nagligad nga duha ka tuig, nakuha sini ang kampyonato sa Regional Rescue Olympics.
Dugang pa sini, importante ang amo nga aktibidad agud mapakita ang kahandaan kag abilidad sang mga rescue personnel, ilabi na sa paghatag sang nagakaigo nga first aid kag pag-atipan sa mga pasyente sa tion sang emerhensya.
Pagahiwaton ang amo nga aktibidad sa Hulyo 25–29, 2026.
Nagalaom man ini nga mapadayon sang Capiz PDRRMU ang ila kampyonato kag masungkit ang ikatatlo nga sunod-sunod nga titulo sa Regional Rescue Olympics.
