Capiz PHO, nagpanghatag sang health commodities kag mga bulong kasunod sang malain nga tyempo

ROXAS CITY, CAPIZ – Naghatag sang health commodities kag mga bulong ang Capiz Provincial Government pinaagi sa Provincial Health Office sa mga local health offices kag ospital sa probinsya kasunod sang malain nga tyempo.

Nagpatigayon man ang PHO sang preparatory meeting sa Health Emergency Response Team (HERT) sa pagpatuman sang cluster approach kag pag-activate sang PHO Operations Center.

Nakahanda naman ang mga hygiene kits, first aid kits kag iban pa nga emergency health supplies sang Provincial Health Office.