ROXAS CITY – Ginkaalarma sang Capiz Police Provincial Office ang liwat naman nga pagduging sang kaso sang mga nagahikog sa probinsiya.
Suno kay Police Executive Master Sergeant Donna Asmod, tagpamaba sang Capiz PPO, humalin sang Enero tubtob Hulyo sini nga tuig, nakarekord ang talatapan sang 18 ka mga suicide cases.
Sa nasambit nga numero, 5 diri ang narekord sa Roxas City; 1 sa Cuartero; 2 sa Dumalag; 1 sa Ivisan; 1 sa Jamindan; 1 sa Panitan; 2 sa Pilar; 2 sa Pontevedra; kag 3 sa Tapaz.
Sang nakaligad nga tuig 2019 suno kay Asmod, nakarekord sang 39 tanan ka mga kaso sang paghikog kun sa diin 21 diri ang napagkit humalin Enero tubtob Hulyo.
Ginapahayag nga ang depresyon ang masami nagatulod sa mga biktima nga utason ang ila kabuhi.
Ginpahayag naman ni Asmod nga may yara sang mga programa kag lihok ang mga kapulisan para matapna ang nasambit nga insidente.
Samtang, importante suno sa iya ang papel sang pamilya sa isa ka indibidwal nga naga-eksperyensiya sang depresyon.
