Preparado na ang Capiz Provincial Government, kaupod ang Chinese community para sa pagsuporta nagkalain-lain nga aktibidad para sa pag selebrar sang Chinese new year.
Sa interview sang Bombo Radyo kay, Mr. Alfonsus Tesoro, Head, Provincial Tourism kag Cultural Affairs Office, iya ginpahayag nga maga umpisa ang Chinese new year sa February 16 tubtob 20 as a year of the horse, nga sa kung diin may bag o man nga aktibidad para sa kadam-an nga maga upod sa pag selebrar sang Chinese new year.
Lakip sa mga palaabuton nga mangin cultural events ang lion dance kag dragon dance nga pagahiwaton sa una nga adlaw sang Chinese new year.
Pahayag niya, ang Chinese new year gina hiwat ini sa isa ka tuig kag ang ini nga aktibidad naga hatag sang relasyon sang Chinese community kag Capiznon nga makita man ang local governments kag Chinese community sang probinsya.
Ginpanugyan man sang natungdan nga madamo na ang organisasyon sang Chinese community nga sa kung diin madamo sila ga updanay kag ang centro sa sini nga celebrasyon diri sa syudad sang Roxas samtang ang ahensya sang pagpatuman sa sang kalinong amo ang gina sigurado.
Nagalaum man ang Provincial Tourism kag Cultural Affairs Office, nga mangin madinalagon ang paghiwat sang Chinese new year pina-agi sang pagdamo sang mag participate sa cultural exchange nga may mga bahin sang Chinese dance , kanta kag cooking competition sang Chinese cuisine, sa pag selebrar sini gina handom nga mangin mapag-on ang relasyon sa palaabuton.
