CAPIZ – Nagpang-agda ang Capiz Provincial Tourism and Cultural Affairs Office sa publiko sa pagtambong sa Chinese New Year Celebration.
Sa interview sang Bombo Radyo kay Mr. Alphonsus Tesoro, head sang Capiz Provincial Tourism and Cultural Affairs Office, iya ginpahayag nga ang selebrasyon sang Chinese New Year ang magadugay sang lima ka adlaw humalin subong nga adlaw tubtob Pebrero 20.
Suno kay Tesoro, subong nga adlaw nagpatigayon sang eye dotting sang lion kag dragon nga amo man ang naglibot sa provincial capitol kag iban pa nga mga establisyemento sa pagpati nga nagakuha ini sang negative energy.
Pahayag pa niya, buwas nga adlaw, may yara sang pagahiwaton nga fireworks display kag lotus lighting sa bahin sang Panay River.
Nagapanawagan man ang natungdan sang kooperasyon sa tanan agud mangin matawhay ang pagsug-alaw sa year of the Fire Horse.
INTERVIEWED BY: BOMBO VINZ DEOCAMPO
