CAPIZ – Padayon ang Capiz Rehabilitation Center sa pag-monitor sang kapin 40 ka mga Persons Deprived of Liberty (PDL) nga nagpositibo sa balatian nga tuberculosis matapos ang ginpatigayon nga medical checkup.
Sa interview sang Bombo Radyo kay Capiz Rehabilitation Center Jail warden Arjuna Yngcong, iya ginpahayag nga ginhatagan na sang bulong ang kapin 167 ka mga PDL bilang preventive measure.
Suno kay Yngcong, wala sang isolation area sa presuhan para sa mga nagpositibo sa TB ukon ano pa man nga balatian apang may yara sila sang ginbutang nga separado nga presohan para sa mga Persons Deprived of Liberty.
Pahayag pa niya, wala ginadumilian ang pagbisita sang mga pamilya sa Capiz Rehabilitation Center.
Ginhingyo naman sang natungdan ang mga legal counsels sang mga Persons Deprived of Liberty nga may balatian nga i-suspend anay temporarto ang mga hearing agud malikawan nga malatnan ang iban.
INTERVIEWED BY: BOMBO FRANCIS BIÑAS
