-- ADVERTISEMENT --
ROXAS CITY – Ginkalipay sang Capiz Provincial Health Office (PHO) nga wala na sa karon sang aktibo nga kaso sang COVID-19 sa probinsya.
Ini ang sandig sa Press Release No. 10 sang ahensiya, kahapon nga adlaw, Abril 27.
Makabig nga isa ini ka kadalag-an sa mga health care workers, matapos nga liwat nakapagkit sang ‘zero case’ pagkatapos sang kapin duha ka tuig ukon 765 diyas nga pagpakigbato sa nasambit nga virus.
Ginpasalamatan man sang ahensiya ang tanan nga frontliners, stakeholders kag ang lokal nga gobyerno nga kaupod sa pagpakigbato sang makamamatay nga balatian.
Liwat man nga nagpanawagan ang Capiz PHO sa mga pumuluyo nga ipadayon ang pagsunod sa minimum public health protocol kag importante ang pagpabakuna ilabi na ang booster shots.
-- ADVERTISEMENT --
