Yara lamang sa ika lima nga pwesto ang probinsya sang Capiz sa bag o lng nagtapus nga Western Visayas Regional Atlhletic Association Meet nga ginpatigayon sa probinsya sang Antique.
Ginapahayag nga ini ang pinakanubo nga posisyon sang Capiz kun ikumparar sa nakaligad nga mga tinuig nga yara nakapwesto sa ikatatlo nga posisyon.
Nagtaas naman ang bulawan nga medalya nga nakuha sang probinsya yanda nga WVRAA nga naglab ot sa 20 kun ikumparar sa nakaligad nga tuig nga nakakuha sang 14 gid lamang.
Sa pagpakig-angut sang Bombo Radyo sa isa ka mga coach nga delegasyon sang probinsya wala gid mahatagan sang daku nga pagtamod ang programa sang sports sa Capiz kag wala matuman ang mga plano nga una na nahinalaan.
Nagalaum naman ini nga maka-bawi ang Capiz sa masunod nga tuig kag mapasaka ang pwesto sa WVRAA.
Nahibaluan nga nagpanguna sa kakatapos lang nga WVRAA 2025 ang Iloilo, Negros Occidental, Aklan, Antique, Capiz kag Guimaras.
